Marcus Thuram mbetet në dyshim për ndeshjen ndaj Suedisë, e vlefshme për fazën e 1/16-ve, pasi vazhdon të vuajë nga një problem në pulpën e këmbës.
Sipas raportimeve të fundit, sulmuesi francez rrezikon të humbasë edhe këtë takim, pasi ende nuk është rikuperuar plotësisht nga shqetësimi fizik që e detyroi të mungonte edhe në sfidën e mëparshme ndaj Norvegjisë.
Futbollisti i Interit ka zhvilluar stërvitje të diferencuar gjatë fundjavës. Edhe pse dëmtimi nuk konsiderohet serioz, stafi mjekësor i kombëtares franceze nuk dëshiron të marrë rreziqe të panevojshme me gjendjen e tij.
Megjithatë, Thuram ka udhëtuar së bashku me skuadrën drejt Nju Jorkut, ku do të zhvillohet ndeshja. Seanca e fundit stërvitore pritet të jetë vendimtare për të përcaktuar nëse ai do të jetë i gatshëm të përfshihet në listën e të grumbulluarve për sfidën ndaj Suedisë.
- Pushime që ju përmirësojnë humorin, 5 qytetet më të lumtura për turistët, Lisbona kryeson renditjen - 21/10/2026
- “Pedagogët firmosin dhe ikin si skutha”/ Hervin Çuli: Intelektuali duhet të jetë kundër dhunës - 21/10/2026
- “Sistemi arsimor i kthyer në celula të partive”, Lami: Listat e pedagogëve? Mungojnë rektorët dhe dekanët… - 21/10/2026