Si tingëllim ëndërre, si fantazëm duke qeshur,13 vjet më parë , më 6 mars të vitit 2011 në Teatrin e Metropolit, erdhi salla me sy të thellë “Shakespare” me 350 vënde. Kjo ishte salla e tretë që vinte pas sallave rregullthyese, Çehov dhe Bodrum të Teatrit të Metropolit.
Salla është padyshim kapriçoja më e madhe artistike teatrore në Shqipëri, në kuptimin funksional, akustik, konstuktual. Salla është ndër më të rrallat në botë përsa i përket formës dhe intimitetit të saj. Magjia dhe sekreti i kësaj salle qëndron te kasa e akustikës e ideuar dhe realizuar nën kujdesin e Kiço Londos, i cili kujton sot kontribuesit kryesorë të kësaj salle: konstruktorin Robert Floqi, Mjeshtrin e punimit të drurit Sulejman Ulliri, Mjeshtrin e Ndriçimit dhe Fonisë Gëzim Sula, Mjeshtrit Leonard Derveni Kujtim Zuna dhe Julian Llukani. Kujton gjithashtu Metush Prendin, Kujtim Kokën, Hiqmet Kovaçin, Anisa Canaj, Ada Ruçin, Milena Selimin,Sandën, Mirën, Semin, Xanin dhe mbi të gjitha mikun e tij, ish Kryetarin e Bashkisë së Fierit Zotin Baftjar Zeqaj që nuk e la asnjëherë “të mërzitej” nga çmënduritë e ndërtimit të kësaj salle. Kjo sallë është ndërtuar pothuajse pa fonde zyrtare nën moton që Londo e ka busull frymëzimi sa herë që ndërton salla teatri. Ajo është: “Populli për vete”
- Pse shqiptarët idealizojnë liderët e tyre? - 28/11/2025
- Fenomeni Albin Kurti - 23/11/2025
- Shorti i “play off”-it, Shqipëria rigjen Poloninë, Kosova përballë Sllovakisë - 20/11/2025