Nga Shkodra, gjatë një takimi me banoret në njësinë administrative Rrethina, Kryetari i Partisë Social Demokrate, Tom Doshi, i bëri thirrje qytetarëve që të mbështesin PSD-në në zgjedhjet e 11 majit. Sipas Doshit, integrimi në Bashkimin Europian nuk mund të ndodhë pa një përmirësim të ndjeshëm të ekonomisë në familjet shqiptare.
Gjithashtu, kreu i PSD-së, duke përdorur pikërisht fjalët kontradiktore të liderit të opozitës Sali Berisha, iu kundërpërgjigj akuzave të tij.
“Sali, ti je hajdut që nga viti 1991, që ke vjedhur para nga arkat e PD-së. Ti duhet të quhesh hajdut, jo unë. Ti di vetëm të shpifësh dhe të shash. Humbi edhe Bashkinë e Shkodrës, humbi edhe Bashkinë e Vaut të Dejës dhe kjo e dhemb shumë. Një mandat do ia marrim ne në Kukës. Do ketë humbjen më të turpshme“-tha Doshi.
Gjatë këtij takimi, Doshi tha se Partia Social Demokrate nga 3 deputetë që ka aktualisht, do të zgjerohet duke marre mandate në të gjithë vendin.
- Merr fund maratona/ Votohet raporti për verifikimin e mandateve, betohen deputetët e rinj - 19/04/2025
- Zgjedhjet e 11 majit/ Kryeson Italia e Gjermania, rreth 8 mijë zarfe me votat e diasporës mbërrijnë në Tiranë - 19/04/2025
- Kapshticë/ Fluks lëvizjesh për Pashkë, mbi 18 mijë persona hynë në territorin shqiptar brenda 72 orëve - 19/04/2025