Papa Leo XIV ka mbërritur në Bejrut pasditen e djeshme, ku u prit nga Presidenti i Republikës Libaneze, Presidenti i Asamblesë Kombëtare, Kryeministri dhe gratë e tyre, si dhe Patriarku. Dy fëmijë me veshje tradicionale i ofruan atij lule, bukë dhe ujë.
Kështu, Papa filloi vizitën e tij në Liban, faza e dytë dhe më delikate e udhëtimit të tij të parë apostolik, i cili do të zgjasë deri më 2 dhjetor. Sipas dëshmitarëve, kambanat e kishave në kryeqytet dhe në disa qytete të tjera libaneze ranë njëkohësisht me uljen e Papës, një gjest simbolik mirëseardhjeje që pasqyronte pritjen dhe përfshirjen emocionale të popullsisë së krishterë dhe më gjerë.
Ndalesa e parë e papës, ishte Turqia. Ai bëri një vizitë historike në Xhaminë Blu në Stamboll, një nga ngjarjet qendrore të këtij udhëtimi të parë ndërkombëtar kushtuar dialogut me të gjithë dhe midis të gjithëve, për ndërtimin e shtigjeve të paqes. Papa mbërriti në vendin e adhurimit mysliman, hoqi këpucët dhe admiroi bukurinë e vendit. Por, ndryshe nga paraardhësit e tij, ai zgjodhi të mos lutej. Si Benedikti XVI ashtu edhe Françesku e kishin bërë këtë.
- Papa Leone në Bejrut, etapa e dytë delikate e udhëtimit të tij të parë apostolik - 01/12/2025
- Negociatat për paqe, reagon Donald Trump: Ukraina ka disa probeme të vogla, por besoj se këtë herë mund t’ia dalim - 01/12/2025
- I dërguari i posaçëm i SHBA-së sot në Moskë, do të takohet me Putin për të diskutuar mbi planin e paqes së Uashingtonit - 01/12/2025