Gjatë një tryeze të organizuar nga shoqëria civile mbi veprimtarinë e SPAK dhe Gjykatës së Posaçme, ambasadori i BE u shpreh se korrupsioni ka nevojë për një luftë të përbashkët si nga shoqëria ashtu edhe nga institucionet e tjera shtetërore.
Ai u shpreh se Bashkimi Europian do të vijojë të mbështesë veprimtarinë e SPAK duke nënvizuar se zgjidhja ndaj korrupsionit është parandalimi e jo ligjet represive.
“Disa nga vështirësitë që përballet SPAK janë nevojat për burime njerëzore, nevoja për të rritur kapaciteti hetuesve të BKH dhe numri i ulët i referimeve që bëjnë institucionet shtetërore në SPAK. BE do të mbështesë SPAK për të përballur disa nga këto sfida. Është e rëndësishme të kihet në konsideratë që në luftën ndaj korrupsionit SPAK është vetëm një pjesë, por shumë e rëndësishme. Lufta ndaj këtij fenomeni duhet të bëhet nga çdo shtresë e shoqërisë dhe institucionet. Ligjet represive nuk janë zgjidhje dhe kjo është arsyeja që ne në raportin tonë shprehëm nevojën e parandalimit të korrupsionit”.
- Skandal me delegacionin somalez në Kosovë! Zhduken 9 anëtarë, vetëm dy persona kthehen në atdhe - 12/11/2026
- Demokratët ‘kërcënojnë’ Trumpin me bllokim të fondeve: Nuk financojmë luftën me Iranin - 12/11/2026
- LIVE! Shqipëri-Finlandë 2-0: finlandezët me 10 lojtarë, karton i kuq për Tenho - 12/11/2026