Shtrenjtimi i energjisë në tregun e lirë që detyroi disa nga fabrikat më të mëdha në vend të pezullonin aktivitetin, bëri që këto të fundit të harxhonin më pak energji në 3-mujorin korrik-gusht -shtator.
Të dhënat nga Instituti i Statistikave tregojnë se në 3-mujorin e tretë të vitit, konsumi i energjisë nga bizneset ra në rreth 818 gigavat/orë nga më shumë se 983 gigavat/orë një vit më parë duke shënuar kështu një ulje me mbi 16 për qind. Ndërkohë, mos-ndryshimi i çmimit për familjarët duket se ka ndikuar në mbajtjen në të njëjtat nivele si të një viti më parë të konsumit të energjisë.
Kursimi nga sipërmarrja e mbajtja në të njëjtat nivele nga familjarët ka bërë që konsumi i përgjithshëm i energjisë elektrike në muajt korrik, kusht e shtator të bjerë nga 1 mijë e 679 gigavat/orë në 1 mijë e 514 gigavat/orë, duke shënuar kështu rënie me 9.8 për qind.
Me gjithë thatësinë nëpër këmbë, prodhimi i energjisë elektrike në vend mbeti në nivele të ngjashme me një vit më parë, në 1 mijë e 370 gigavat/orë nga 1 mijë e 371 gigavat orë që ishte në 2021-shin. Pjesa më e madhe e energjisë, gati 3/4 u prodhua nga hidrocentralet publike, 23.7 për qind nga ato private dhe vetëm 21.5 për qind nga panelet fotovoltaike.
- TIA dhe Vodafone sjellin teknologjinë Airbus në Tiranë - 25/05/2026
- Shuhet Birçe Hasko, ikona e kinemasë shqiptare! Nga Dukati në skenën e madhe, karriera e jashtëzakonshme e aktorit - 23/05/2026
- TEATRI ËSHTË VENDI KU XHVISHEM NGA VETJA IME, LË JETËN TIME MËNJANË DHE JETOJ NJË TJETËR BOTË… - 17/05/2026