Me sa duket, çdo javë ikona e Portugalisë shënon një tjetër gjë nga lista e tij e dëshirave në futboll, si të realizuar. Më herët në tetor, ai shënoi dy gola në barazimin 2-2 me Hungarinë, duke u bërë golashënuesi më i mirë i të gjitha kohërave në kualifikueset e Kupës së Botës.
Ai ka 41 në total tani nga 51 ndeshje, me dy ndeshje ende për t’u luajtur dhe një vend në turneun e vitit 2026 ende në lojë. Ishte një rekord i mbajtur më parë nga sulmuesi guatemalas Carlos Ruiz për serinë e tij prej 39 golash midis viteve 1998 dhe 2016, të cilën e arriti në 47 ndeshje. Dhe lajmi më i mirë për Ronaldon është se do të duhej një mrekulli që armiku i tij i hershëm në fushë, Lionel Messi, ta thyente atë rekord.
Kjo për shkak se kualifikimet e CONMEBOL për turneun, i cili do të mbahet në SHBA, Kanada dhe Meksikë, kanë përfunduar tashmë. Për më tepër, legjenda e Argjentinës ka të ngjarë ta luaj atë Kupë Bote si kontributi i tij i fundit me fanellën e Albiceleste.
Pra, nuk është çudi që një supertifoz i Koresë së Jugut ofroi një shumë rekord prej 54,369 £ tek MatchWornShirt për të blerë një fanellë që Ronaldo e veshi në atë ndeshje kundër Hungarisë. Autografi i Ronaldos qëndron mbi numrin e tij ikonik 7, ndërsa ka edhe shenja të dukshme përdorimi në pjesën e pasme që e sigurojnë këtë, mendojmë se ndoshta mund të nuhasni edhe aromën e tij karakteristike CR7 mbi të.
Gjithsej pati 51 oferta për fanellën, por ajo e koreanit e mposhti rivalin me pak më shumë se 2,000 stërlina. Si rrjedhojë, Ronaldo e rrëmbeu rekordin vetëm një muaj pasi një fitues i Ligës së Kampionëve e kishte fituar atë.
Fanella e Marquinhos e veshur në ndeshjen e fitores 5-0 ndaj Interit në finale u shit për 48,119 stërlina. Kjo e theu rekordin dyvjeçar të Lionel Messit prej 47,867 stërlinash, kur një fanellë e Paris Saint-Germain e veshur në ndeshje me rastin e Vitit të Ri Kinez u shit në ankand në vitin 2023.
- Liria që falte Fatos Nano… - 28/10/2025
- Çmenduria e koreanit për fanellën e Cristiano Ronaldos, i jep portugezit rekordin e radhës - 28/10/2025
- Opinion: DREJTËSIA KA NEVOJË PËR NDIHMË - 28/10/2025