Presidenti i SHBA-së, Joe Biden, i cili tashmë është njeriu më i moshuar që mban këtë post, tha se gruaja e tij, Jill Biden, e mbështet atë për edhe një mandat të ri në krye të SHBA-ve.
I pari i shtetit amerikan tërthorazi ka pohuar se në vitin 2024 do të kërkojë votën e qytetarëve për mandatin e dytë në Shtëpinë e Bardhë.
“Gruaja ime mendon se ne po bëjmë diçka shumë të rëndësishme dhe unë nuk duhet të largohem prej saj”, tha presidenti amerikan Joe Biden, raporton washingtonpost.
“Unë nuk e kam marrë atë vendim zyrtar, por është qëllimi im, synimi im të kandidoj sërish dhe ne kemi kohë për ta marrë atë vendim”, shtoi ai.