Dy nga ndihmësit kryesorë të sigurisë kombëtare të Donald Trump do të zhvillojnë sot bisedime në Paris me Presidentin francez Emmanuel Macron.
Sipas mediave të huaja, sekretari amerikan i shtetit Marco Rubio dhe i dërguari i posaçëm Steve Witkoff pritet të dëgjojnë shqetësimet evropiane për luftën në Ukrainë, ndërsa SHBA-të përpiqen të negociojnë një zgjidhje paqeje.
Zhgënjimi i Donald Trump me Rusinë dhe Ukrainën është rritur gjatë bisedimeve, të cilat kanë përjashtuar kryesisht kontinentin evropian.
Udhëheqësit evropianë janë bërë më të shqetësuar pasi Trump ka bërë gjeste diplomatike ndaj Vladimir Putinit dhe ka ushtruar presion ndaj Volodymyr Zelenskyy, shkruan A2 CNN.
Ministri i Jashtëm polak Radoslaw Sikorski tha se shpresonte që Trump dhe administrata e tij të shihnin se Putini “po tallej me vullnetin e tyre të mirë” pas sulmit raketor të Moskës në qytetin ukrainas të Sumy javën e kaluar, i cili vrau të paktën 35 njerëz.
Përveç Macron, ministria e Jashtme franceze tha se Rubio do të takohet gjithashtu me homologun e tij Jean-Noel Barrot për të diskutuar pwr Ukrainën dhe Lindjen e Mesme.
Më vete, ministri francez i Mbrojtjes Sebastien Lecornu po udhëton në Uashington për t’u takuar me homologun e tij, Pete Hegseth, si dhe me Keith Kellogg, të dërguarin e Trump për Ukrainën dhe Tulsi Gabbard, drejtorin e inteligjencës kombëtare të SHBA.
- Kapshticë/ Fluks lëvizjesh për Pashkë, mbi 18 mijë persona hynë në territorin shqiptar brenda 72 orëve - 19/04/2025
- Trump shenja tërheqje nga tarifat e larta me Kinën: Jam optimist se mund të arrijmë një marrëveshje - 18/04/2025
- Ministri i Jashtëm iranian skeptik ndaj qëllimeve të SHBA-ve për programin bërthamor, kërkon mbështetjen e Rusisë! - 18/04/2025