Deputeti i Partisë Socialiste, Erion Braçe ka reaguar lidhur me protestën e opozitës, e cila do të zhvillohet pasditen e kësaj të hëne në Tiranë, në orën 17:00.
Në llogarinë e tij në “Facebook”, socialisti shkruan se bllokimi i rrugëve të kryeqytetit nuk është në interesin publik, duke e interpretuar këtë “skenar” të opozitës si një “mllef” ndaj atyre qytetarëve që nuk bëhen pjesë e tubimeve të tyre.
Ndër të tjera, Braçe thekson se protesta e opozitës, një ditë para Krishtlindjeve është njësoj si ato makinat e ekstremistëve që hyjnë në tregjet e Krishtlindjeve për të dëmtuar qytetarët, duke iu referuar kështu tragjedisë së ndodhur më 20 dhjetor në Magdeburg në Gjermani, ku një shtetas u fut me automjetin e tij në tregun e Krishtlindjeve duke vrarë 5 persona e plagosur mbi 200 të tjerë.
“Është njësoj si ato makinat e ekstremistëve që hyjnë në tregjet e Krishtlindjeve për të shkaktuar dëm, për të shkaktuar panik. Është qartazi mllef kundër shumicës dërrmuese në këtë qytet, e njerëzve normale që kanë vendosur mos tu bëhen palë atyre pa mend që duan ta bllokojnë qytetin 1 ditë para Krishtlindjeve”, thotë Braçe.
Postimi i plotë i deputetit socialist:
Tirana do ta ketë ditë vuajtje sot, bashkë me të, të gjithë ata që vijnë e ikin në këtë qytet, të gjithë ata që jetojnë në këtë qytet, punojnë këtu, duan të kryejnë nevojat e tyre, përfshi nevojat e tyre jetësore në këtë qytet!
Të bllokosh Tiranën, nuk është interes publik, është kundër interesit publik! Të bllokosh Tiranën, një ditë para krishtlindjes e në orët e pasdites, është mu si ato makinat e ekstremisteve që hyjnë në tregjet e krishtlindjes për të dëmtuar, krijuar panik, trembur!
Të bllokosh Tiranën, një ditë para krishtlindjes, një festë që e festojnë të gjithë bashkë, pa ndarje e në paqe me njëri tjetrin, është thjesht mllef e urrejtje ndaj njerëzve normale që nuk të bëhen pjesë, nuk të mbështesin, duan të mbetet normale në këtë qytet.
https://www.facebook.com/plugins/video.php?height=476&href=https%3A%2F%2Fwww.facebook.com%2Ferionbrace.alb%2Fvideos%2F1038357428092430%2F&show_text=false&width=267&t=0
- Xi paralajmëron Trumpin: Kujdes me shitjen e armëve për Tajvanin - 05/02/2026
- Flet një nga viktimat e Jeffrey Epstein: Isha 16 vjeçe kur më abuzoi, Trump na tradhtoi - 05/02/2026
- EKSKLUZIVE / Sondazhi: 90% e shqiptarëve i duan pagat e gjyqtarëve dhe prokurorëve ashtu siç janë ose më të ulëta - 05/02/2026