Serbia ka kërcënuar se do të largohet nga Euro 2024 pasi ka akuzuar tifozët e Kroacisë dhe Shqipërisë për thirrje të neveritshme në stadium.
Kundërshtarët e Anglisë në raundin e parë pretendojnë se mbështetësit nga dy vendet e Ballkanit brohoritën “vriteni, vriteni, vriteni serbinë” gjatë barazimit të djeshëm 2-2 në Grupin B.
Sekretari i Përgjithshëm i Federatës së Futbollit të Serbisë, Jovan Surbatovic, ka paraqitur kërkesë që UEFA të ndëshkojë Kroacinë dhe Shqipërinë për thirrjet e supozuara në minutën e 59-të.
Dhe ai ka paralajmëruar se Serbia është e gatshme të largohet nga Euro 2024 nëse nuk ndërmerret asnjë veprim.
Ai përmes RTS tha: “Së pari dua të falënderoj tifozët tanë për mbështetjen në ndeshjen kundër Anglisë dhe shpresoj se do ta mposhtim Slloveninë”.
“Ajo që ndodhi është skandaloze dhe ne do t’i kërkojmë UEFA-s sanksione, edhe nëse kjo do të thotë të mos vazhdojmë garën. Jemi të sigurt se do të dënohen, pasi tashmë i janë përgjigjur apelit tonë për të hequr nga kampionati të ashtuquajturin gazetar nga Shqipëria. Ne do të kërkojmë nga UEFA që të dënojë federatat e të dyja seleksioneve. Ne nuk duam të marrim pjesë në këtë, por nëse UEFA nuk i ndëshkon, do të mendojmë se si do të vazhdojmë.
Ne u ndëshkuam për raste të izoluara dhe tifozët tanë u sollën shumë më mirë se të tjerët. Një tifoz u dënua për fyerje raciste dhe ne nuk duam t’i atribuohet të tjerëve. Ne serbët jemi zotërinj dhe kemi një zemër të hapur, ndaj i bëj thirrje tifozëve që të mbeten zotërinj”.
Serbia humbi ndeshjen hapëse të Grupit C 1-0 ndaj Anglisë të dielën, ndërsa sot luan me Slloveninë.
- “Do të jetë historia më e madhe e të gjitha kohërave”/ Vajza e astronautit Ashley Hansen tregon emocionet e kthimit të babait në Tokë: Do t’i jap një përqafim të madh… - 11/04/2026
- Ndarja nga jeta e kongresmenit Eliot Engel, Presidenti Begaj: Mik i madh i popullit shqiptar dhe zë i fortë për ne - 11/04/2026
- Artemis II përfundon me sukses! Katër astronautët rikthehen në Tokë pas udhëtimit historik rreth Hënës - 11/04/2026