Të enjten, Princi William dhe Princesha Kate Middleton bënë paraqitjen e tyre të parë zyrtare që nga funerali i Mbretëreshës Elizabeth, duke falënderuar ata që ndihmuan në organizimin e tij dhe kontributet e tyre.
Çifti bëri një udhëtim të veçantë në Windsor Guildhall për të takuar vullnetarë dhe stafin operacional për t’i falënderuar ata për përfshirjen e tyre në funeralin e monarkut të mbajtur në mjediset e Kështjellës Windsor dhe në përputhje me udhëzimet e zisë mbretërore, çifti mbretëror u shfaq me të zeza si shenjë respekt për mbretëreshën.
Duke folur për grupin, Princi William ndau një moment prekës që ndodhi pasi gjyshja e tij vdiq ndërsa familja ishte ende në Skoci. Princi i Uellsit shpjegoi se kishte parë pesë ylberë mbi Balmoral pas vdekjes së Mbretëreshës dhe Kate Middleton tha: “Madhështia e saj po na shikonte nga lart”.
Mbretëresha Elizabeth po qëndronte në shtëpinë e saj skoceze në Balmoral më 8 shtator kur shëndeti i saj u përkeqësua dhe ajo ndërroi jetë në paqe, sipas Pallatit. ” Mbretëresha vdiq paqësisht në Balmoral këtë pasdite. Mbreti dhe Mbretëresha do të qëndrojnë në Balmoral këtë mbrëmje dhe do të kthehen në Londër nesër.’
Në ditën kur vdiq Mbretëresha Elizabeth, ylberët u panë mbi Pallatin Buckingham dhe Kështjellën Windsor, ndërsa një tjetër ylber u formua mbi Westminster Hall.
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024