Kapet një nga autorët e vrasjes së 20-vjeçarit në Tiranë

Vetëm pak orë ka zgjatur arratia e njërit prej autorëve të vrasjes së 20 vjeçarit Stiven Toshkëzi, në rrugën “4 Dëshmorët”, pranë shkollës “Partizani”.

Mësohet se policia ka mundur të arrestojë 18 vjeçarin Ensi Maze, ndërkohë që është ende në kërkim bashkëmoshatari i tij, Axel Hoxhaj.

Stiven Toshkëzi u qëllua disa herë me thikë pas mesnatës dhe si pasojë e plagëve të marra ndërroi jetë në spital. Motivet e këtij krimi janë ende të paqarta.