Është mbyllur zyrtarisht çështja që përfshin të ndjerin Diego Armando Maradona dhe të riun Mavys Alvarez. 2 marsin e kaluar, drejtësia argjentinase kishte hedhur poshtë gjithçka. Tani Dhoma Federale e qytetit të Buenos Aires ka konfirmuar se çështja ka përfunduar e arkivuar. Sipas raportimeve, nuk ka asnjë element të paraqitur nga ankuesi për të mbështetur gjykimin.
Për të peshuar mbi këtë zgjedhje përfundimtare ka ndikuar edhe koha e kaluar: “Duke pasur parasysh dënimin më të rëndë të parashikuar në rregulloret e treguara (nga 15 deri në 20 vite burgim) dhe datën në të cilën do të kishte pushuar konstatimi i fakteve (19 janar 2002), duhet të konkludojmë se parashkrimi i prokurorisë tashmë është vënë në zbatim”.
Gjykatësi Daniel Rafecas kishte urdhëruar mbylljen e çështjes gjashtë muaj më parë, pasi ngjarjet “do të ishin kryer kryesisht nga Maradona, me pjesëmarrjen dytësore të pjesës tjetër të bashkëpunëtorëve të tij midis 9 nëntorit 2001 dhe 19 janarit 2002”.
Arsyeja kryesore e pushimit të çështjes, sipas Rafecas, ishte numri i pengesave të paraqitura në hetim, që pamundësojnë një gjykim të drejtë për shkak të vdekjes së Maradonës më 25 nëntor 2020. “Çdo veprim penal ndaj tij shuhet në bazë të nenit 59, paragrafi 1 të Kodit Penal”, – thuhet në vendim.
Për momentin nuk ka mbërritur asnjë koment nga vajza, e cila tani është 37 vjeçe dhe u takua me “El Pibe de Oro” kur ishte 16 vjeçe. Mavys Alvarez paraqiti një ankesë kundër Diego Armando Maradonës, pas vdekjes së tij, pas paraqitjeve televizive në të cilat ajo pretendonte se ishte bërë e varur nga kokaina me shtytjen e legjendës së futbollit që kishte takuar në Kubë:
“Unë mund të flas tani sepse edhe Fidel Castro, edhe Diego kanë vdekur”. Asokohe 16-vjeçarja tregoi se është përdhunuar dhe rrahur nga Maradona me disa bashkëpunëtorë, të cilët sot janë liruar të gjithë nga akuzat.
“Më mbylli gojën, më përdhunoi. Nuk dua të mendoj shumë për këtë. Unë pushova së qëni vajzë, më vodhën gjithë pafajësinë. Mos jetofshi gjërat e pafajshme, që një vajzë si unë e asaj moshe duhej të përjetonte”, – kishte pohuar.
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024