Zvicra po mendon të dënojë me burgim deri në tre vjet këdo që ngroh dhomat e tyre mbi 19 gradë Celsius këtë dimër. Kjo masë drastike vjen si pasojë e planit energjitik për racionimin e gazit për shkak të luftës në Ukrainë.
Vendi mund të vendosë gjithashtu gjoba për ata që shkelin rregulloret e reja të propozuara. Duke folur për Blick , Markus Sporndli, i cili është një zëdhënës i Departamentit Federal të Financave, shpjegoi se shkalla e gjobave në bazë ditore mund të fillojë nga 30 franga zvicerane.
Ai shtoi se gjoba maksimale mund të jetë deri në 3,000 franga zvicerane. Rregullorja e re parashikon gjithashtu se kompanitë që qëllimisht tejkalojnë kuotat e tyre të gazit mund të përballen me ndëshkime administrative.
Për më tepër, sipas masave të reja, temperaturat në ndërtesat me ngrohje me gaz nuk mund të jenë më shumë se 19 gradë celcius.
Blick gjithashtu raportoi se ngrohësit rrezatues nuk do të lejohen ndërkohë që pishinat dhe saunat do të duhet të qëndrojnë të ftohta.
Masat janë të përcaktuara në Ligjin Federal për Furnizimin Ekonomik Kombëtar, të cilit i referohet Departamenti Federal i Çështjeve Ekonomike në një dokument zyrtar.
Lidhur me masat e reja të propozuara, kantonet e Zvicrës kanë afat deri më 22 shtator për të paraqitur çdo shqetësim.
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024