Presidenti i Francës, Emmanuel Macron, ka folur sot në samitin e G7-ës që po zhvillohet në Kanada, ku ka paralajmëruar kundër çdo përpjekjeje për të ndryshuar regjimin në Iran përmes mjeteve ushtarake.
Sipas agjencive ndërkombëtare të lajmeve Reuters dhe AFP, Macron u shpreh se një ndryshim i tillë do të sillte “kaos” në rajon dhe do të përkeqësonte më tej situatën gjeopolitike në Lindjen e Mesme.
“Do të ishte një gabim i madh që një ndryshim regjimi në Iran të arrihej përmes forcës ushtarake”, tha Macron gjatë deklaratës së tij, duke theksuar se alternativa më e mençur është rikthimi në tryezën e bisedimeve për programin bërthamor të Iranit.
Presidenti francez gjithashtu theksoi rolin thelbësor të Shteteve të Bashkuara në këtë proces. “Besoj se kemi nevojë që Shtetet e Bashkuara të Amerikës të marrin rolin udhëheqës për të rikthyer të gjitha palët në tryezën e bisedimeve”, deklaroi ai.
Qëndrimi i Macron vjen në një moment tensioni të lartë ndërkombëtar dhe përpjekjesh për të shmangur përshkallëzimin e mëtejshëm të krizës në rajon, veçanërisht pas përplasjeve mes Izraelit dhe Iranit dhe rritjes së pasigurisë në lidhje me armët bërthamore.
Çfarë po ndodh mes Izraelit dhe Iranit?
• Izraeli dhe Irani po shkëmbejnë sulme prej pesë ditësh, ndërsa civilët në zonat e tensionuara po përballen me valë bombardimesh. Në Iran janë vrarë të paktën 224 persona që nga fillimi i përplasjes. Në Izrael, numri i të vrarëve ka arritur në 24.
• Presidenti amerikan Donald Trump ka deklaruar se po kërkon një “përfundim të vërtetë” të konfliktit, jo thjesht një armëpushim, pasi u largua para kohe nga samiti i G7. Trump mohoi se u largua për të punuar për një marrëveshje paqeje dhe tha se “diçka shumë më e madhe” është në zhvillim. Ai gjithashtu u ka bërë thirrje iranianëve të evakuojnë Teheranin.
• Ndërkohë, Kryeministri izraelit Benjamin Netanyahu ka deklaruar se beson se sulmet e Izraelit e kanë dëmtuar ndjeshëm programin bërthamor të Iranit. Izraeli ka goditur tre objekte kryesore bërthamore iraniane, megjithëse shkalla e dëmeve mbetet e paqartë.
- Macron kundër Trump-it dhe Netanyahu-t: Ndryshimi i regjimit në Iran do të sillte kaos - 18/06/2025
- Kupa e Botës për Klube/ “Luftë” për një pikë, Fluminense dhe Dortmund ndahen në paqe! Vjen debutimi i shumëpritur i vëllait të Jude Bellingham - 18/06/2025
- Përfundon takimi i Trump me Këshillin e Sigurisë, Presidenti: Mund të bashkojmë forcat me Izraelin për goditjen e armëve bërthamore të Iranit - 17/06/2025