Gjykata e Lartë ka reaguar përmes një njoftimi për media pas debateve të ditëve të fundit mbi mbledhjen e posaçme të 30 shtatorit 2025, ku u zhvillua procesi për zgjedhjen e gjyqtarit të Gjykatës Kushtetuese.
Në një deklaratë të gjatë për median, institucioni më i lartë gjyqësor në vend ka dënuar ashpër “komentet e pavërteta, interpretime të njëanshme dhe gjuhën fyese që po përdoret në hapësirën publike”, duke i cilësuar ato si “sulme të rrezikshme ndaj shtetit të së drejtës”.
Gjykata e Lartë thekson se këto reagime publike nuk lidhen me debat institucional, por përbëjnë “një përpjekje për të diskredituar dhe intimiduar gjyqësorin”, duke ndikuar drejtpërdrejt në besimin e qytetarëve te drejtësia.
“Ne nuk kemi asgjë për të fshehur apo për t’u justifikuar”, thuhet në reagim, duke shtuar se çdo veprim i institucionit ka qenë “transparent dhe në përputhje të plotë me ligjin”.
Gjykata sqaroi se një nga fletët e votimit është shpallur e pavlefshme për shkak të shënimeve shtesë që cënonin fshehtësinë e votës – një element thelbësor për vlefshmërinë e procesit. “Fshehtësia nuk është formalitet, por garanci substanciale e pavarësisë së votuesve. Pranimi i votave të identifikueshme do të rrëzonte këtë parim”, thuhet në reagim, duke kujtuar se i njëjti standard zbatohet edhe nga Këshilli i Lartë Gjyqësor në proceset e tij të brendshme.
- Sondazhi për “21 Janarin”: 62.9% mendojnë se Qeveria ‘Berisha’ vrau shtetasit e vet duke kryer krim shtetëtor - 19/01/2026
- SONDAZHI / 15 vite nga “21 Janari”, 47,9% e shqiptarëve: PS duhet ta çonte protestën deri në fund! - 19/01/2026
- Ndërpriten dritat edhe në reanimacionin e QSUT, reagon spitali: Nuk u cënua jeta e pacientëve, aktivizuam pajisjet jetësore - 19/01/2026