Çmimi Nobel për ekonomi i këtij viti ka të bëjë me “krijimin dhe shkatërrimin”, tha Hans Ellegren, sekretar i përgjithshëm i Akademisë Mbretërore Suedeze të Shkencave.
Çmimi i ka shkuar Joel Mokyr , profesor i ekonomisë në Universitetin Northwestern në Çikago, ekonomistit francez Philippe Aghion të Collège de France dhe Peter Howitt, profesor i ekonomisë në Universitetin Brown në Rhode Island, “për shpjegimin e rritjes ekonomike të nxitur nga inovacioni”.
Çmimi i Bankës së Suedisë në shkencat ekonomike në kujtim të Alfred Nobel u dha “për shpjegimin e rritjes ekonomike të nxitur nga inovacioni”, ku gjysma iu dha Mokyr “për identifikimin e parakushteve për rritje të qëndrueshme përmes progresit teknologjik” dhe gjysma tjetër bashkërisht Aghion dhe Howitt “për teorinë e rritjes së qëndrueshme përmes shkatërrimit krijues”.
Mokyr është një historian ekonomik amerikano-izraelit i lindur në Holandë, profesor i ekonomisë dhe historisë dhe Profesor Robert H. Strotz i Arteve dhe Shkencave në Universitetin Northwestern.
Aghion është profesor në Collège de France, në INSEAD, në Shkollën e Ekonomisë të Londrës dhe në Shkollën e Ekonomisë të Parisit.
Howitt është një ekonomist kanadez, i cili ka bërë pjesën më të madhe të kërkimit të tij në makroekonomi dhe ekonomi monetare. Ai është një nga krijuesit e qasjes moderne “Schumpeteriane” ndaj teorisë së rritjes ekonomike.
- Gjenerata e re e Policisë, ministrja Koçiu: Ju mbani një uniformë të rëndë… - 13/10/2025
- Manastirliu me banorët e Tiranës: Më shumë hapësira publike për fëmijët e të moshuarit! - 13/10/2025
- Marrëveshja mes Izraelit dhe Hamasit, Macron konfirmon mbështetjen për një shtet të pavarur palestinez - 13/10/2025