Real Madridi ka marrë një fitore të rëndësishme 1-0 në fushën e Benfica-s në ndeshjen e parë të play-off-it, falë një goli vendimtar të Vinícius Júnior.
Sfida në Lisbonë ishte e luftuar dhe me tension të lartë, ndërsa trajneri José Mourinho u ndëshkua me karton të kuq dhe nuk do të jetë në stol në takimin e kthimit.
Pjesa e parë ishte e balancuar, me raste nga të dyja skuadrat. Kylian Mbappé dhe Vinicius rrezikuan për madrilenët, por portieri vendas u tregua i vëmendshëm. Në minutën e 50-të erdhi momenti vendimtar: Vinicius realizoi një aksion individual të shkëlqyer dhe shënoi me një goditje të saktë brenda zonës për 1-0.
Ndeshja u ndërpre përkohësisht pas thirrjeve raciste nga tribuna, ndërsa më pas tensioni u rrit në fund. Mourinho fillimisht u ndëshkua me karton të verdhë për sjellje josportive dhe në minutën e 85-të mori edhe kartonin e kuq, duke u përjashtuar nga stoli. Benfica provoi të reagojë në minutat e fundit, por Reali administroi avantazhin dhe mori një fitore të çmuar në transfertë.
Liga e Kampionëve u rikthye këtë mesjavë me ndeshjet e para të fazës së play-off-it.
Skuadra kampione në fuqi e Evropës, Paris Saint-Germain, u përball në derbi me Monacon, një ndeshje të cilën skuadra e Luis Enrique e fitoi me përmbysje 3-2, duke hedhur një hap drejt kualifikimit.
Monaco mori avantazhin e dyfishtë në këtë ndeshje, teksa fillimisht shënoi që në minutën e parë me Balogun, ndërkohë që në minutën e 18-të po ky futbollist shënoi edhe golin e dytë.
Paris Saint-Germaini humbi penallti me Vitinha-n, por më pas shkurtoi diferencën në 2-1 me Doué në minutën e 29-të, ndërsa në të 41-tën Hakimi ktheu ekuilibrin në rezultat në 2-2.
Në pjesën e dytë, kampionët e Evropës përmbysën gjithçka, teksa shënuan golin që i dha avantazhin 3-2 me Doué, me këtë të fundit që plotësoi dygolëshin personal.
- Champions League: Vinicius është heroi i Realit, mund Benfica-n. PSG mund me permbysje Monacon - 18/02/2026
- E qëlloi me laps pasi refuzonte ta quante masakër Reçakun, William Walker flet për sherrin me mjeken finlandeze - 18/02/2026
- PD sulmon Ervin Salianjin për takimin në Berat: Aktivitet me agjendë private në shërbim të qeverisë - 18/02/2026