Udhëheqësit e Bashkimit Evropian do të takohen nesër, të shtunën, në margjinat e samitit të G20 në Johanesburg për të diskutuar situatën në Ukrainë, thanë sot Presidentja e Komisionit Ursula von der Leyen dhe Presidenti i Këshillit Evropian Antonio Costa.
“Ne folëm me Presidentin Zelensky. Diskutuam situatën aktuale dhe jemi të qartë se asgjë nuk duhet të bëhet për Ukrainën pa Ukrainën”, thanë Costa dhe von der Leyen në një postim në platformën X.
“Asgjë nuk duhet të vendoset për Ukrainën pa Ukrainën”, theksoi presidenti i Komisionit pas telefonatës me Zelenskyn.
Presidenti ukrainas tha se i kishte “informuar” presidentin e Komisionit dhe presidentin e Këshillit Evropian për planin e Trump për t’i dhënë fund pothuajse katër viteve të agresionit rus.
“Lidhur me hapat e ardhshëm, udhëheqësit evropianë do të takohen nesër në margjinat e samitit të G20, pastaj në Angola”, ku do të mbahet një samit i Bashkimit Evropian dhe Bashkimit Afrikan, tha Ursula von der Leyen në Platformën X.
- “Të bashkuar për paqen”, Trump pas bisedimeve me Mamdanin në Zyrën Ovale: Takim i shkëlqyer - 21/11/2025
- Trump dhe kryebashkiaku i New York-ut bëjnë paqe, takohen sëbashku në Zyrën Ovale - 21/11/2025
- E kritikuan pse u takua me Trump, motra e Ronaldos shpërthen ndaj portugezëve: Si Krishti kur u tradhtua nga Juda… - 21/11/2025