Është mbyllur fushata kualifikuese e Botërorit 2026 për muajin tetor, teksa tani kanë ngelur vetëm dy faza për të mësuar ekipet që do të udhëtojnë në Amerikë.
Gjithsesi, në Europë është konfirmuar matematikisht skuadra e parë që do të jetë pjesë e “SHBA-Meksikë-Kanada 2026”.
Rivali i Shqipërisë në Grupin K, Anglia, është matematikisht pjesë e Botërorit, pas fitores bindëse 0-5 me Letoninë në transfertë. “Tre Luanët” shkojnë në kuotën e 18 pikëve të plota, duke mbyllur çdo llogari.
Nga ana tjetër, po në këtë grup, Serbia vuajti kundër Andorrës në transfertë. Vendasit kaluan të parët në avantazh në minutën e 17’, por pas dy minutash shënuan në portën e tyre. Në pjesën e dytë, Vlahovic dhe Mitrovic shënuan për t’i dhënë fitoren 1-3 serbëve.
Portugalia është ndalur 2-2 nga Hungaria në minutën e fundit, me kualifikimin e luzitanëve që shtyhet për në nëntor.
Po në këtë grup, Irlanda u fut sërish në lojë për vendin e dytë, duke mundur 1-0 Armeninë.
Spanja gjithashtu ecën me hap të sigurt drejt Botërorit, edhe pse llogaritë duhet t’i bëjë në nëntor. “La Roja” mundi 4-0 Bullgarinë dhe kryeson me pikë të plota Grupin E, duke u ndjekur nga Turqia me tre pikë më pak, e cila mundi 4-1 Gjeorgjinë.
Italia gjithashtu siguroi fazën “Play Off”, duke mundur 3-0 Izraelin, teksa tani shpreson te një hap fals i Norvegjisë në nëntor kundër Estonisë për t’u futur në garë për vendin e parë, edhe pse në letër duket e pamundur.
REZULTATET:
GRUPI E
Spanjë 4-0 Bullgari
Turqi 4-1 Gjeorgji
GRUPI F
Portugali 2-2 Hungari
Irlandë 1-0 Armeni
GRUPI I
Itali 3-0 Izrael
Estoni 1-1 Moldavi
GRUPI K
Letoni 0-5 Angli
Andorra 1-3 Serbi
- FUNDI I NJË LEGJENDE/ “Jam gati” tha Mata Hari atë mëngjes të 15 tetorit 1917 - 15/10/2025
- “Udhëheqësi artistik i Shqipërisë”/ “The Times” artikull kushtuar kryeministrit: Edi Rama mahnit galerinë me vizatimet e tij të ëndrrave me sy hapur - 15/10/2025
- “Kërcënim i thellë”, ministri polak tregon dronin Shahed/ Ndihma ndërkombëtare për Ukrainën… - 15/10/2025