Sali Berisha ka çuditur jo pak dy ditë më parë teksa mori në mbrojtje Sokol Olldashin. Ai tha se gara mes ish-deputetit të ndjerë dhe Lulzim Bashës ka qenë e pastër dhe se nuk ishte ndikuar nga ai vetë. Berisha deklaroi madje se Olldashi në rrafshin politik dhe intelektual ishte më i aftë se Basha.
Por kjo deklaratë që shumë pak shqiptarë mund ta besojnë, ka hasur edhe kritikat e vëllait të Sokol Olldashit.
Në rrjetet sociale ai shprehet se Sali Berisha gënjen dhe se ka ndërhyrë në çdo kryetar dege për të votuar Bashën.
Ja reagimi i plotë i Ardian Olldashit:
“Nuk eshte e vertete! Ti e di mire qe Koli fitonte me cdo formule.
Te merkuren ne darke, pra ne Daten 26.06.2013 Basha te erdhi ne zyre gati duke qare dhe u keshillua me ty per nje terheqje te mundeshme te tijen. Per c‘arsye? Per arsyen se te dhenat qe vinin e jepnin Kolin ne avantazh. Ti ke marr personalisht ne telefon pothuajse cdo kryetar neper rrethe.
Natyrisht jo per ti uruar naten e mire, sepse ne fakt ishte darke, por per ti kercenuar me shprehje qe me mire mos ti perserisim. Ty dhe jo vetem ty te vjen spontanisht pyetja: Nga i ditkam une keto gjera? I di nga ata qe ate darke ishin prezent ne zyren tende.
Fatkeqesisht politika eshte i vetmi zanat per te cilin nuk behet shkolle. Rezultatet duken”.
- Elton John feston 5-vjetorin e “Cold Heart” me Dua Lipën: “5.3 miliardë dëgjime dhe një miqësi e mrekullueshme” - 13/08/2026
- Raportohen 38 vatra zjarri. Situatë e rënduar në Lurë, Priskë dhe Elbasan, ndërhyrje nga toka dhe ajri. Përmirësohet situata në Krujë - 13/08/2026
- “Nuk e gjykoj njeriun që më fali jetën”, si u tërhoq Skënder Haluci nga trupa gjykuese për dënimin e Ramiz Alisë - 13/08/2026