Miliarderi amerikan Elon Musk, CEO i SpaceX është tërhequr nga vendimi i tij për ndalimin e financimit të terminaleve Starlink të dërguara në Ukrainë, duke shkruar në Twitter se kompania e tij do të vazhdojë të ofrojë shërbime satelitore të internetit “falas” për qeverinë ukrainase, edhe nëse kjo do të thotë se kompania e tij do të humbë para.
“Dreqin”, shkruan Musk në Twitter. “Edhe pse Starlink ende po humbet para dhe kompanitë e tjera po marrin miliarda dollarë nga taksapaguesit, ne thjesht do të vazhdojmë të financojmë falas qeverinë e Ukrainës”, raporton The Verge.