Donald Trump dhe kryeministrja daneze Mette Frederiksen kanë zhvilluar një bisedë telefonike, ku kanë diskutuar në lidhje me pretendimet e Trump që Groenlanda të jetë pjesë e SHBA.
Sipas pesë zyrtarëve të lartë evropianë që folën për Financial Times, biseda 45-minutëshe u zhvillua javën e kaluar, me kryeministren danez që e bëri të qartë se ishulli “nuk është në shitje”. Shtëpia e Bardhë nuk e komentoi komunikimin.
Mirëpo, siç raportojnë mediat amerikane, gjatë bisedës klima mes dy liderëve ka qenë shumë e tensionuar.
Nga ana e saj, Frederiksen thuhet se e ka bërë të qartë se ishulli i Groenlandës, i cili është pjesë autonome e mbretërisë daneze, nuk është në shitje.
Trump, megjithatë, thuhet se ka përsëritur qëllimin e tij për të sjellë Groenlandën nën kontrollin e SHBA-së, një qëllim për të cilin thuhet se insistoi.
“Ishte e tmerrshme,” tha një burim evropian duke iu referuar telefonatës, detajet e së cilës “ka të ngjarë të thellojnë shqetësimet evropiane se kthimi i Trump në pushtet do të testojë lidhjet transatlantike më shumë se kurrë”, raporton FT.
- Sateliti i NASA-s do të bjerë sonte në Tokë pas 22 vitesh në hapësirë, a ka rrezik për njerëzit? Ja zonat ku mund të përfundojnë mbetjet e tij - 04/11/2026
- Chris Pappas fiton në New Hampshire, bëhet senatori i parë greko-amerikan pas 14 vitesh dhe burri i parë homoseksual në Senatin amerikan - 04/11/2026
- Anëtarësimi në BE, Hoxha nga Berlini: Shqipëria nuk kërkon rrugë të shkurtra, por vlerësim mbi bazën e meritës - 04/11/2026