Kryetarit të Partisë Demokratike, Sali Berisha i duhet të shkojë dy herë në muaj në SPAK, të hënën e parë dhe të tretë të çdo muaji, pas vendimit që mori sot Apeli i Posaçëm i GJKKO-së.
Gjyqtari që vendosi liderin e opozitës në masën detyrim paraqitje, është Engert Pëllumbi, i cili nuk është një emër i njohur për publikun.
Por gjatë karrierës së tij në gjyqësor, ai ka marrë vendime të rëndësishme, ndaj emrave të njohur të politikës.
Kështu, më 5 shkurt të vitit 2022, trupa gjykuese e komanduar nga KLGJ për të shpallur vendimin për ish-ministrin Saimir Tahiri, e kryesuar nga Engert Pëllumbi dhe anëtarë Igerta Hysi dhe Florian Kalaja, dha dënimin me 3 vite e 4 muaj burg dhe për 3 vite të tjera të mos ushtrojë asnjë funksion publik për veprën penale “Shpërdorim detyre”.
Ndërkohë, në vitin 2011, Pëllumbi dënoi me gjobë deputeten e Partisë Socialiste, në atë kohë në opozitë, Ermonela Felaj, e cila mbante njëkohësisht edhe postin e nënkryetares së Kuvendit.
- Emrat e viktimave të Holokaustit, Inteligjenca Artificiale ndihmon ekspertët në muzeun e Yad Vashemit në Izrael - 07/11/2025
- Tensione në Moskë, mediat ruse raportojnë se Putin është i pakënaqur me Lavrov pas anulimit të takimit me Trump, ja çfarë thotë zëdhënësi i Kremlinit - 07/11/2025
- “83 mandate që morëm na kanë vënë në pozita pune si kurrë më parë”/ Rama: Do të falen të gjitha detyrimet tatimore mbi 10 vite - 07/11/2025