Nga Lavdrim Krashi*
Sekretari i Jashtëm britanik, Lord Cameron, e rezervoi vizitën e tij të parë për këtë vit jashtë vendit në Kosovë përgjatë ditëve të para të Janarit 2024. Me këtë vizitë ai dha mesazhe se Mbretëria e Bashkuar mbetet po aq e vendosur sot për të ruajtur paqen, stabilitetin dhe sovranitetin e Kosovës sa ishte për çlirimin e saj në 1999 dhe mëvetësimin në 2008. Mbështetja ishte sa politike aq edhe strategjike për Kosovën dhe faktorin stabilizues shqiptar në rajon dhe në fakt ky ka qenë qëndrimi i vazhdueshëm në politikën e jashtme të Britanisë së Madhe. Vetëm para tre javësh ai i kërkoi NATOs për të përforcuar misionin e KFOR në Kosovë dhe kjo tashmë ka ndodhur.
Ndërkohë Shqipëria dhe Mbretëria e Bashkuar janë aleat të fortë në NATO, OKB dhe organizata të tjera ndërkombëtare në mbështetje të demokracisë, sundimit të ligjit dhe prosperitetit të popujve. Bashkëpunimi në fushën e mbrojtjes, sigurisë, arsimit dhe në vitet e fundit rritja e shkëmbimeve ekonomike dhe tregtare janë provë e orientimit të politikës së jashtme britanike në realitetin e ri.
Nga ana tjetër, në këtë vend jeton një numër konsiderueshëm i komunitetit shqiptar, më shumë i ri se sa i vjetër, i cili është i mirëintegruar dhe me nje kontribut të madh në jetën britanike. Kontributi i tij fillon qysh rolin lobues për çeshtjen tonë kombëtare dhe njohjen e Kosovës. Komuniteti shqiptar në Mbretërinë e Bashkuar ka një presencë të kënaqshme në botën akademike, të sipërmarrjes, në sektorin publik dhe atë privat. Ashtu si të gjitha komunitetet shqiptare kudo në botë, shërben si një u
Ka shumë arsye pse Britania është e Madhe. Në kontekstin e temës, jo thjesht se politika e saj e jashtme ka demonstruar gjithmonë drejtësi, vendosmëri dhe durim strategjik, me doza të larta të realizmit në atë se çfarë mund të arrihet, është kënaqshëm praktike dhe mbi të gjitha qëndron fort në atë se çfarë beson – në vlerat e demokracisë.
Është me këtë kuadër pse vizita e Sekretarit të Jashtëm britanik, Lord Cameron në Shqipëri këtë javë për të shpalosur planin e qeverive të të dy vendeve në luftën kundër korrupsionit dhe krimit të organizuar është e rëndësishme. Shqipëria ka shumë për të përfituar nga përvoja dhe mbështetja britanike në përballjen me këto fenomene të cilat po të luftohen në mënyrë efektive do të çlirojnë energji të jashtëzakonshme për zhvillimin e mëtejshëm dhe të qëndrueshëm të Shqipërisë. Qëndrimi i palëkundur i Mbetërisë së Bashkuar në mbështetje për një drejtësi të vërtetë, larg ndikimeve politike apo interesave korruptive është themelore për aksesin e barabartë të të gjithë qytetarëve në shërbimet publike, luftën e pakompromis kundër korrupsionit, eliminimin e abuzimit me detyrën (pushtetin), dhe pasja e një kontrate të drejtë sociale midis qytetarëve dhe shtetit si rruga e vetme për një Shqipëri europiane. Kjo vizitë përforcon këtë marrëdhënie që sa vjen dhe konsolidohet midis dy vendeve.
*Deputet i Partisë Socialiste
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024