Sopranoja shqiptare e mirënjohur në mbarë botën, Ermonela Jaho ka marrë pjesë në ceremoninë e ndarjes së çmimeve “OPER”, revista e famshme për dedikimin ndaj operas.
Në këtë ceremoni, Ermonela Jaho është nderuar me çmimin “këngëtarja më e mirë femër”, duke shtuar kështu një tjetër trofe në ekspozitorin e saj.
Çmimi “këngëtarja më e mirë femër”, iu dhurua sopranos me origjinë shqiptare për performancën e saj të jashtëzakonshme në Zyrih në vitin 2023, për rolin e Magda në La Rondine.
“Do doja të shprehja me fjalë mirënjohjen dhe çfarë do të thotë kjo arritje për mua, por do të ishte e pamundur. Ndihem krenare për renditjen mes kandidatëve, e lëre më për fitimin si “Këngëtarja më e mirë për 2024-ën”. Faleminderit Oper! Çmime për këtë nder të madh”, ka shkruar Ermonela Jaho.
Më herët Ermonela ka fituar edhe çmimin “Artistja më e mirë e huaj” për vitin 2023, për interpretimin e saj në “Suor Angelica” në Barcelonë.
