Një e moshuar në Milano ka humbur jetën pasi u përplas nga një fëmijë që po mësonte biçikletën.
Mediat në vend raportojnë se një djalë 5-vjeçar goditi aksidentalisht 87-vjeçaren ndërsa të dy ecnin me biçikletë në një park.
Pas përplasjes, e moshuara humbi ekuilibrin dhe goditi kokën pasi u rrëzua përtokë. Për pasojë ajo humbi jetën. Tashmë, i ati i fëmijës akuzohet për vrasje nga pakujdesia.
Sipas asaj që ai u tha hetuesve, ai ishte duke mësuar të birin të ngiste biçikletën pa rrota stërvitje.
Pak çaste pas nisjes së këtij “eksperimenti”, në trajektoren e vogëlushit përfunduan dy të moshuara që po ecnin, 87-vjeçarja dhe një mikeshë e saj.
Djali humbi kontrollin e biçikletës dhe, megjithëse me shpejtësi jo shumë të madhe goditi zonjën. Në atë kohë, pasojat e aksidentit nuk dukeshin të rënda dhe babai i djalit thuajse këmbënguli që të thirrej një ambulancë. Më pas, megjithatë, situata u përkeqësua.
Siç raporton Corriere della Sera, ajo që ndodhi “me ligj detyron prokurorinë e Milanos të vendosë përgjegjësi penale mbi babain (për sjellje të pahijshme) për vdekjen e zonjës së moshuar” që u përplas aksidentalisht nga fëmija.
