Gjykata e Posaçme ka shtyrë për të tretën herë seancën paraprake ndaj ish-drejtoreshës së Autoritetit Rrugor, Sonila Qato, dhe 9 të pandehurve të tjerë.
Seanca është shtyrë për shkak të mungesës së një prej avokatëve. Seanca e radhës do mbahet javën e ardhshme, ku gjykata do vendosë nëse do kalojë apo jo për gjykim çështja ndaj ish-drejtoreshës.
Ish-drejtoresha e Autoritetit Rrugor Shqiptar, Sonila Qato, u mor zyrtarisht e pandehur nga SPAK, në tetor të këtij viti. Ajo akuzohet nga Prokuroria e Posaçme për akuzën e shkeljes dhe favorizimit të tenderëve ose ankandeve publike për një lot të ndërtimit të rrugës Kardhiq-Delvinë.