Në prag të festave të fundvitit Drejtoria Rajonale e Autoritetit Kombëtar të Ushqimit në Korçë ka shtuar kontrollet në të gjithë qarkun.
Gjatë muajit dhjetor janë kryer rreth 170 inspektime në operatorët e biznesit ushqimor kryesisht atyre me shumicë dhe stabilimentet e përpunimit dhe prodhimit të produkteve ushqimore.
Burime zyrtare pranë kësaj drejtorie bëjnë me dije se në fokus të këtyre inspektimeve kanë qënë dyqanet e mishit, supermarketet dhe njësitë e tregëtimit të produkteve ushqimore, subjekte të përpunimit të qumështit dhe mishit, si dhe subjekte të prodhimit të pijeve alkolike.
Intensifikimi i kontrolleve gjatë kësaj periudhe ka pasur për qëllim rritjen e sigurisë ushqimore për konsumatorët të cilët shtojnë blerjet e tyre në pragfundviti.
Nga monitorimet e kryera në terren po sipas të njëjtave burime janë marrë rreth 45 mostra që kanë rezultuar brenda normave të lejuara. Gjithashtu janë marrë 7 mostra fruta dhe perime, të cilat janë çuar për tu analizuar në Tiranë për mbetje pesticidesh. Gjatë kësaj periudhe janë janë monitoruar edhe subjekte si bare e restorante.
Autoriteti Kombëtar i Ushqimit u bën apel qytetarëve që të jenë të kujdesshëm gjatë festave të fundvitit, në lidhje me ushqimet, të blejnë mish apo produktet e tjera, vetëm nëse kanë vulën nga shërbimi veterinar, që do të thotë se nuk përbëjnë ndonjë rrezik për ta, si dhe të kontrollojnë datën e skadencës për çdo produkt.
Ndërkohë për çdo rast që vërehen abuzime me ushqimet AKU u bën thirrje qytetarëve që të jenë të ndjeshëm duke denoncuar nëpërmjet telefonatave ose në rrjetet sociale.
- Nga Moglica tek linja me Kosovën, tre projektet energjetike që Shqipëria çon tek BE-ja për financim - 17/03/2026
- “Jemi të gatshëm për bashkëpunim me Trump”, Macron ndryshon qëndrimin për Ngushticën e Hormuzit - 17/03/2026
- Raporti Rama-Meloni, politikani italian: Është një raport motër-vëlla, mes Italisë dhe Shqipërisë - 17/03/2026