Mbi 6.7 milionë turistë të huaj kanë vizituar Shqipërinë nga janari deri në tetor të vitit 2022. Kështu ka bërë me dije Ministrja e Turizmit, Mirela Kumbaro, e cila shkruan në një postim në Facebook se interesant, sipas saj, është fakti se ka patur flukse të reja turistike.
Ministrja thekson se këtë vit pati rreth 4 herë më shumë vizitorë nga Spanja, 97,1% më shumë vizitorë nga Britania dhe rreth 3 herë më shumë vizitorë nga Holanda.
Po ashtu është dyfishuar edhe numri i vizitorëve nga Sllovenia dhe vendet skandinave.
“I mbarë ishte edhe tetori për turizmin, duke vijuar trendin rritës krahasuar me vitin 2021, por po aq interesant edhe për flukset e reja turistike që po i shtohen mysafirëve që mikpresim çdo vit, siç janë: Rreth 4 herë më shumë vizitorë nga Spanja; 97,1% më shumë vizitorë nga Britania; Rreth 3 herë më shumë vizitorë nga Holanda; Më shumë se dyfishim i vizitorëve nga Sllovenia; Dyfishim i vizitorëve që vijnë nga vendet skandinave”, shkruan Kumbaro.
Pak ditë më parë, Organizata Botërore e Turimit (UNWTO) renditi Shqipërinë si destinacioni me performancën më të mirë në rritje të flukseve turistike, krahasuar me vitin 2019.