Pas orëve të gjata e debateve mbi Portin e Durrësit, kreu i Autoritetit Portual Pirro Vëngu, ka reaguar duke i’u përgjigjur deputetit Edmond Spaho. Ky i fundit përmendi në foltore familjarët e kundërshtarëve politikë socialistë, gjatë fjalës së tij.
“Me një dedikim të veçantë për zotin Spaho, që merret jo vetëm me familjarët po dhe me origjinën e familjarëve të kundërshtarëve politikë. Me dy gishta si dy Portet e Durrësit, nga ai Vëngu, i cili e ka krenari prejardhjen edhe të nënës dhe të babës “, shkruan Vëngu.
Kreu i Autoritetit Portual Durrës ka pozuar me dy gishta nga salla e Kuvendit të Shqipërisë, aty ku ka qëndruar gjatë gjithë ditës për të ndjekur nga afër zhvillimet për një nga temat më te nxehta të këtyre ditëve.